አስተዳደርና ድጋፍ

በሼር ኢትዮጵያ ውስጥ መሥራት የጀመሩት መቼ ነበር?
ለሼር ኢትዮጵያ መሥራት የጀመርኩት ከ8 ዓመታት በፊት ነበር።

እባክዎ ስላለፉበት የሙያ ዕድገት ይንገሩን
ከመጀመሪያ አንሥቶ የተቀጠርኩት በአይቲ ቴክኒሺያንነት ሲሆን ምንም እንኳን የአይቲ ሲስተሞች የበለጠ እየተወሳሰቡ የመጡ ቢሆንም አሁንም በዚሁ ሙያ ላይ እየሠራሁ እገኛለሁ። ይህ ሥራዬን እንደወደው አድርጎኛል።

ሼር ኢትዮጵያ ውስጥ መሥራትን የሚወዱት ለምንድን ነው?
ሼር ኢትዮጵያ በጣም ግዙፍና ዓለም ዓቀፍ ድርጅት በመሆኑ ከተለያዩ ሰዎችና ባላድርሻ አካላት ጋር የምገናኝባቸው/የምሠራባቸው ብዙ የተለያዩ ዕድሎች አሉኝ።

ሌሎች ሰዎችን ሼር ኢትዮጵያ ውስጥ ለመቀጠር እንዲያመለክቱ የሚመክሩት ለምንድን ነው?
ወደ ሼር ኢትዮጵያ ከተቀላቀልኩ ጀምሮ ብዙ ትምህርት አግኝቻለሁ። እዚህ እያንዳንዱ ቀን የተለየ ነው። አብዛኛውን ጊዜ አዳዲስ ፕሮጀክት ይኖሩናል። በድርጅቱ የተሰጡኝን ኃላፊነቶችና ሥራዬን በራሴ የማደራጀት ነጻነት እወዳቸዋለሁ።