ሠራተኞች

ሁሉም ሠራተኞቻችን ቋሚ የቅጥር ውል ይሰጣቸዋል። ለሼር ኢትዮጵያ መሥራት ማለት ፍትሐዊ ደመወዝ ከነ ማካካሻዎች፣ ጡረታና ነጻ የሕክምና እንክብካቤ የመሳሰሉ ሳቢ የክፍያና ጥቅማ ጥቅም ጥቅሎች ማግኘት ማለት ነው።

ሠራተኞቻችን በነጻነት የሥራ ማኅበር መቀላቀል ይችላሉ። Collective Bargaining Agreement (CBA) (የኅብረት ድርድር ስምምነት) ያለን ከመሆኑም በተጨማሪ የሠራተኞቻችን ልጆች በ የሼር ኢትዮጵያ ትምህርት ቤት በነጻ ትምህርታቸውን መከታተል ይችላሉ (ትምህርት ቤት መግቢያ ዕድሜ 4 ዓመት ነው)።

ለሁሉም አዲስ ሠራተኞች በቅጥራቸው የመጀመሪያ ቀን ገለጻና የጤናና ደኅንነት ሥልጠና ይሰጣቸዋል። ለሠራተኞች እንደየሥራ መደቦቻቸው ተገቢ የግል መከላከያ መሣሪያዎች (PPE) ይሰጣቸዋል።
ሠራተኞች በሼር ኢትዮጵያ ክበብ በሚቀርበው የመዝናኛ አገልግሎትና በአግባቡ በተሟላው የሼር ኢትዮጵያ ስታዲየም በስፖርታዊ እንቅስቃሴዎች መዝናናት ይችላሉ።