ስፖርትና የትርፍ ጊዜ ማሳለፊያ

ሼር ኢትዮጵያ የራሱ የመስክ ላይ የስፖርት ዓይነቶች የሚካሄዱበት ስታዲየም ያለው ሲሆን በስታዲየሙ የእግር ኳስና መረብ ኳስ ውድድሮችን እናካሂዳለን። ከራሳችን የውስጥ ውድድሮች በተጨማሪ በኢትዮጵያ እግር ኳስ ፌደሬሽን የሚዘጋጁ ውድድሮችን እናስተናግዳለን። ከዚህ በተጨማሪም ከኢትዮጵያ ታዋቂ አገር አቀፍ የእግር ኳስ ቡድኖች መካከል አንዱ የሆነው የቡና ቡድንን በኛ ሜዳ እንዲጫወት ለማድረግ በመቻላችን ደስተኞች ነን።

የሼር ኢትዮጵያ ክበብ አዳራሽ ለተለያዩ ግልጋሎቶች የሚውል ሕንጻ ሲሆን ለስብሰባዎች፣ የሠርግ ዝግጅቶች፣ ፓርቲዎችና ትዕይንቶች ጥቅም ላይ ይውላል። የክበብ አዳራሹ ለሠራተኞች ዝግጅቶች ያለ ምንም ክፍያ ግልጋሎት ላይ ሊውል ይችላል።